Барлык язмалар news_header_top_970_100
news_header_bot_970_100

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Таһир Вәлиуллин: «Питер.татар» Санкт-Петербург татарларын берләштергән үзәккә әйләнде»

Санкт-Петербург рус шәһәре саналса да, монда татарлар да яши. Әңгәмәдәшебез Таһир Вәлиуллин студент булуына карамастан, мәш килеп, «Питер.татар» порталын алып бара, портал укучыларын татар тормышы белән таныштыра. Таһир Петербург татарларының бүгенге халәте турында сөйләде.

news_top_970_100
Таһир Вәлиуллин: «Питер.татар» Санкт-Петербург татарларын берләштергән үзәккә әйләнде»
Солтан Исхаков

«Татар яшьләренә татар концертлары тансык»

– Таһир, Питердагы яшьләр татарча сөйләшәме? Телнең сакланылышында өмет бармы? Нинди буын үсә шәһәрдә?

– Яшьләр татар мәдәнияте белән кызыксына. Кызганыч, татар телен куллану бүгенге көндә бар җирдә дә кими бара. Санкт-Петербургтагы татар яшьләре арасында да туган телне камил белүчеләр саны күп түгел. Шуның белән бергә телне өйрәнергә теләүчеләрнең арта баруы куандыра. Бүген төньяк башкалада ике җирдә татар теле курслары эшләп килә. «Мирас» татар үзәгендә шулай ук әле күптән түгел генә ачылган «Татар мәдәнияты үзәге»ндә туган телебезне өйрәтәләр. Шунысы кызык: курсларга тулы гаиләләре белән йөрүчеләр күп, бүтән милләт вәкилләре дә бар.

Университетларга барып, татар студентларын үзебезгә җәлеп итәргә тырышабыз, төркемнәребезгә чакырабыз. «Тукай квест», «Җәлил укулары» кебек бәйгеләрдә актив катнашалар. Күбесенең әти-әнисе Казанда яши, андый яшьләргә татар концертлары, чаралары тансык. Алар татар музыкасын да тыңлый. Мәсәлән, күптән түгел Сәидә Мөхәммәтҗанованың концерты үткән иде, анда яшьләр дә, олы буын да килде.

– Телне белмәсәләр дә, җаны-йөрәге белән татарлыкка җан ата торган яшьләр бар. Татар булып та, үз милләтенә битараф булучылар күп. Санкт-Петербургтагы яшьләр кайсы категориягә керә?

– Татар мәдәниятенә тискәре мөнәсәбәт юк. Нормаль карыйлар. Татар телен белмәгән, сөйләме кытыршы булган, әмма барыбер татарча сөйләшергә омтылган яшьләрне очраткан булды. Тарихи ватаннан ерак булсалар да, фикерләрен татар телендә әйтергә тырышалар.

«Казанда яшәп, Питер тормышының эчендә калырга тырышам»

– Еш кына татарларның чит илдә дус-тату булмауларын ишетәм. Бер шәһәрдә берничә Сабантуй уздыралар, ягъни бердәмлек юк кебек тоела. Санкт-Петербургта татарлар бердәмме? Аларны нәрсә берләштерә?

– Санкт-Петербургта татарлар бик дус-тату яши. Бер-берләренә кунакка йөрешәләр, концертларга киләләр. Татарларны берләштереп торучы бер мәйданчык дип «Питер.татар» порталын әйтә алам. Ун ел элек халык санын алу нәтиҗәләре буенча, Питерда 30 меңнән артык татар тора дип әйтә алабыз. Алар белән үзара хезмәттәшлек итү, аралашып тору, берләштерү җәһәтеннән чыгып барлыкка килгән портал бу.

Бездән тыш, Питерда Татарстанның даими вәкиллегенең, Татар автономиясенең, Питер татар морзалары берләшмәсенең, «Файда» татар оешмасының  рәсми сайтлары эшләп тора. Без бер-беребезне тулыландырып торабыз.

«Питер.татар» порталы бүген Санкт-Петербургтагы татарларның тормышын җанландырып җибәрә алды. Шәһәрдә эшләп килгән татар журналистларын үзебезгә җәлеп итә алдык, бүген Санкт-Петербург татар журналистлары клубы актив эшләп килә. Порталда күргәзмә, концертлар, һ.б. турында язабыз. Без мондагы татар эшмәкәрләре, төрле һөнәр ияләре белән аерым интервьюлар әзерлибез, туры эфирлар үткәрәбез.

Портал битендә сез Питердагы яңалыклар, татар халкының тормышы, гомумән, татар дөньясындагы хәбәрләр белән таныша аласыз. Портал Татарстанның Санкт-Петербург һәм Ленинград өлкәсендәге вәкиллеге тәкъдиме белән барлыкка килде. Шунысы сөенечле: укучыларыбыз көн саен арта бара. Барлык социаль челтәрләрдәге мәгълүматны тарату һәм аны карау саны 50 меңнән артып китте.

Порталның үзенчәлеге шунда – командабыз бер җирдә генә тупланып утырып тормый, аерым бинабыз юк. Мәсәлән, мин хәзерге вакытта Казанда яшим, КФУның юридик факультетында укыйм. Казанда булып та, Санкт-Петербург тормышы, андагы чаралар, вакыйгалар, концертлар турында язам. Питерда үзебезнең журналистларыбыз бар, алар чарага барып, мәгълүматны җибәрә. Мин, Казанда яшәп, Питер укучысына Казан, Татарстан турында яза алам. Без  кемгәдер бәйле түгел.

Әгәр үз артыңнан өндәп, юл күрсәтеп баручы булмаса, бер генә оешма да озак яши алмый. Порталның хужасы, идеяләрнең аккумуляторы һәм аны тулаем үз акчасына эшләтүче кеше - программист Равил Закиров. Ул яхшы оештыручы гына тугел, янына талантлы кешеләрне дә җыя белүче. Әйтик, бүген портал инде Россиядә генә түгел, ә чит илләрдә дә эшләп килгән татар вакытлы һәм электрон матбугат органнарының тулы бер бердәмлеген оештыра алды.

Без даими рәвештә татар матбугатының бүгенге көндәге проблемаларын яктырткан онлайн форумнар, киңәшмәләр үткәрәбез, яңа тәкъдимнәр ясыйбыз. Шулай ук порталның үз Советын булдырып, атнага ике тапкыр җыелып, планнар корабыз, нәтиҗәләр ясыйбыз. Күренекле журналистларыбыз Зәрия Хәсәнова, Катифә Гайнетдинова, Ринат Мәһдиев, Линара Николашкиналар порталның үсешенә зур өлеш кертә.

«Питер – җылы шәһәр. Ләкин туган як үзенә тартты»

– Күпләр Питерга ашкынганда сез, киресенчә, Питердан Казанга кайткансыз. Нигә кайтырга уйладыгыз? Ата-бабаларыгызның кендек каны тамган җирнең кайтавазы чакырып кайтардымы?

– Сигезенче сыйныфтан алып мин Санкт-Петербургта яшәдем. Икенче шәһәр тормышына, мохитенә ияләшү авыр бирелде. Шунысы яхшы – коллективыбыз әйбәт иде. Мәктәптә төрле милләт балаларының булуы да зур роль уйнады, үземә бик күп иптәшләр таптым. «Син – татар», - дип, бармак белән төртеп, кимсеткән кеше булмады.

Санкт-Петербургтагы тормыш бөтенләй үзгә: мәдәният, җәмгыять үзенең йогынтысын ясады, күп нәрсәгә карашым үзгәрде, яхшырак укый башладым. Тырышып укуымның әҗере дә булды – «Артек» лагерена бушка юллама бирделәр. Бер елдан соң китап язарга тотындым, чөнки бу шәһәрдә яшәп бик күп китаплар укыдым, тәэсирләндем.

Каникуллар вакытында берничә хикәя яздым. Язу эше ошады. Язып бетергәч, әти-әниемә күрсәттем. Язганны ошаттылар. Шуннан соң үземне проза язуга багышларга булдым, хикәя артыннан хикәя, шигырьләр туды.

Хикәяләремне «Сириус» белем бирү үзәгенә җибәрдем һәм мине әдәби сменага үткәрделәр. Сменада да иҗат итүемнән туктамадым. Унберенче сыйныфны тәмамлаганда ук инде мин «Һавалы буяулар» дигән беренче китабымны чыгардым.

Мәктәп тәмамлаганнан соң югары уку йортына укырга кердем. Озак та үтми, карантин башланды. Пандемия вакытында гаиләбез белән Казанга күчендек. Нәкъ шушы мизгелдә Казанда калырга теләгем туды. Туган якка тартты. Бәлкем, тамырларым монда булу белән бәйледер... Әти-әниемә рәхмәт, каршы килмәделәр.

Санкт-Петербург туйдырмады, юк. Анда ялгыз калуымнан да курыкмадым. Минем өчен ул шәһәр тормыш сәхифәмнең бер бүлеге. Миндә ниндидер үзгәрешләр бар икән, бу бары Питерның йогынтысы гына. Мөмкинлек чыгу белән Питерга кайтырга омтылам. Ул минем өчен җылы шәһәр.

Казан минем өчен көч чыганагы булган шәһәр. Казанга кайткач, сәхифәмнең тагын бер бүлеге башланган кебек булды. Узган ел Бөтендөнья татар яшьләре форумын оештыруда катнаштым, телевидениегә әңгәмә бирергә чакырдылар... Казанга кире әйләнеп кайтуны хата дип санамыйм. Бу форсаттан, мин казанлыларга Санкт-Петербург турында, питерлыларга Казан турында сөйли алам.

Хәзер юридик белемнәрем буенча киңәшләр бирәм, сайтлар алып барам, SMM өлкәсендә дә шөгыльләнәм. Киләчәктә юристлыкка китеп, башланган эшләрне ташларга җыенмыйм.

– Вәкиллекне бик күп тапкыр телгә алдыгыз. «Питер.татар» порталы эшчәнлеген әтиегез – вәкиллекне җитәкләгән Ренат Вәлиуллин ярдәменнән башка ерып чыга алмас идегез. Килешәсезме?

– Әлбәттә. Татарстанның Санкт-Петербург һәм Ленинград өлкәсендәге вәкиллеге порталны ачу инициативасы белән чыкты. Идеяләр гаиләмнең ярдәменнән башка тормышка аша алмас иде. Әти-әни ярдәм итмәсә, канатсыз кош кебек каласың, башка ярдәмчең булмаячак. Югары күтәрелеп китеп булмый. Нәрсә генә булмасын, терәк-таяныч булган әти-әниләребезгә һәрвакыт рәхмәтле булырга тиешбез.

Әти ярдәм итә дип, кул кушырып утырмыйм. Әтинең дәрәҗәсенә туры килер, йөзенә кызыллык китермәс өчен өстәмә җаваплылык алам дигән сүз. Киресенчә, мин күбрәк үсештә булырга телим.

«Безнең портал һәр кешене үзенә җыйган бер утраучык»

– Санкт-Петебургта төрле һөнәр ияләре бар. Кемдер рәссам, кемдер эшмәкәр. Сез алар белән элемтәдә торып яшисез. Шушы кешеләр турында сөйләгез әле. Сез аларны үзегез эзләп табасызмы? Нинди талантлы татар кешеләре бар?

– Күпчелек кешене үзебез эзләп табарга тырышабыз, чараларга чакырабыз. Кайберәүләре үзләре безнең белән элемтәгә керә. Бизнес турында әйтәбез икән, ул кешеләр белән мөнәсәбәттә торуның бер чарасы. Масштаблы проектлардан – логистика белән шөгыльләнгән «Атлас Чейн» компаниясен искә алып китик, алар төрле илләр арасында төрле йөк ташу белән шөгыльләнә, алар күптән түгел Казанда да үз вәкиллекләрен ачтылар. Шулай ук тагын бер татарлар оештырган «Грузовичков» компаниясе бүгенге көндә Яшел Үзәндә яңа логистик үзәк төзергә җыена, компания җитәкчесе Рафаил Купаев Питердагы татар чараларына һәрчак ярдәм итеп тора. Татарстанга Питер эшмәкәрләренең тартылуы безнең өчен дә горурлык.

Рәшит Гыйләҗев, Сания Бәхтиярова, Илдус Вахитов, Роберт Миф, Елена Саетбагина дигән күренекле рәссамнарыбыз, Әхнәф Зыякаев, Венера Абдуллина кебек сынчыларыбыз белән даими элемтәдә торабыз, алар турында язмалар бастырабыз. Милләттәшләребезнең күргәзмәләре Россиянең бик күп шәһәрләрендә, шул исәптән Казанда да күп тапкырлар узды. Мондый кешеләр бихисап. Без һәр кеше белән хезмәттәшлек итәргә ачык. Безнең портал һәр кешене үзенә җыйган утраучык булып тора. Порталыбыз теләсә кемгә файда китерә.

«Татарларны XX гасыр башында – «Нур» газетасы, XXI гасыр башында «Питер.татар» порталы туплый»

– Сезнең портал чагыштырмача яңа гына барлыкка килгән. Элекке вакытта татарларны нәрсә берләштергән?

– Татар вакытлы матбугатының башланган җире булып Петербург тора. Монда беренче татар газетасы «Нур» газетасы басыла башлый. Ул 1905 елның 2 (15) сентябреннән 1911 елның 22 июненә кадәр чыккан. 1990 елда газета милләттәшләребез ярдәме белән янәдән Петербургта нәшер ителә башлады. Бу эшкә безнең ватандашларыбыз - татар милли хәрәкәте активистлары - Мөхлисә Зарипова, Даут Әминов һәм Рәхимҗан Теляшов бик күп көч куйды.

Беренче татар басмасының 105 еллыгы һәм аны яңадан бастыруга 20 ел тулу уңаеннан «Нур-Свет» дигән кечкенә китап басылып чыкты. Белгәнегезчә, «Нур» газетасы Россия төбәкләрендә татар телендәге матбугатның басыла башлавына этәргеч бирә. Аның тарихы зур. «Нур» газетасы XX гасыр башында татарларны берләштергән басма булса, XXI гасырда да татарларны берләштереп торучы портал булдыру ихтыяҗы туды.

«Туган телен, милләтен оныткан татарларда үзаң уяна»

– «Питер.татар» порталының эшчәнлеге белән таныштырсаң иде.

– Традициягә әйләнгән чараларыбызның берсе – «Тукай квест». Халыкка Тукайның Питер белән бәйле урыннары буенча квестның биремнәрен үзебез уйлап чыгарабыз. Квестның соңгы ноктасы Габдулла Тукайның һәйкәле янында тәмамлана.

Пандемия вакытында да тик тормадык: онлайн Сабантуйлар уздырдык, Питерда яшәүче милләттәшләрне – артистларны җыйдык: Альберт Әсәдуллин, Альберт Җәлилов, «Акчарлак», «Файда» ансамбльләре һ.б.

«Файда» ансамбле турында аерым әйтеп үтәсем килә. Аны Рөстәм Үтәшев белән Айрат Маннанов барлыкка китерде. Халыклар дуслыгы йортында үз акчаларына татар мәдәнияте музеен оештырдылар. Рөстәм Үтәшевның (урыны җәннәттә булсын) эшен Айрат әфәнде алып бара.

Үзләренең сайтлары бар, мәдәни чараларын яктыртып баралар. Алар да төрле кызыклы кичәләр оештыра, балалар белән дә актив эшлиләр.

Порталыбызның тагын бер традициясе – Яңа ел концертларын үткәрү. Ютуб хостингында туры эфирлар үткәрәбез. Барлык артистлар белән элемтәләр корырга тырышабыз. Безгә кунакка килгән татар артистлары белән әңгәмәләр эшлибез. Концертларыбызны күп кеше карады, Россия төбәкләрендәге татарларга таратырга тырыштык.

Шунысы кызык – концертларга, күргәзмәләргә татар халкы гына түгел, руслашкан татарлар да, рус, дагыстанлы һәм башка милләт кешеләре дә килә. Туган телен, милләтен оныткан татарларда үзаң уяна: кайда гына яшәсәң, булсаң да, үз милләтең якын шул. Милләттәшләребез, күченеп килүче татарларны онытмыйбыз, барысын да чакырып торабыз.

Мин укыган мәктәптә төрле милләт балалары бар иде: яһүде дә, урысы да, татары да шунда. Барысы белән дуслаштым, аралаштым. Бу дуслыгыбызның киләчәктә кирәге чыкты: татар концертлары оештыра башлагач, сабакташларымны, укытучыларны чакыра идем, алар шуңа шатланып туя алмады. Безнең мәдәниятне күп милләт кабул итә, күпчелек милләт өчен безнең мәдәният якын.

Порталның традицияләренә әйләнеп киткән тагын бер чара – татар журналистлары форумы. Без аны «Санкт-Петербургның Татар медиафорумы» дип атадык. Анда Россиядә яшәүче татарларның милли-мәдәни үсешен мәгълүмати яктан тәэмин итү, татар массакүләм мәгълүмат чаралары, рус телле медиаресурслар һәм блогер җәмәгатьчелеге багланышлары мәсьәләләре буенча бик файдалы фикер алышу булды.

Форумга чакыру белән генә эш бетми, без аларның һәркайсы белән шалтыратышып, язышып, хәлләрен белешеп торабыз, очрашулар үткәрәбез, киләчәккә планнар корабыз.

«Җәмгыятькә файдалы булып каласыбыз килә»

– «Питер. татар» порталы бүген яшьләр кулында. Сезнең эшчәнлекне алып бару өчен кеше кирәкме, кемнәрне кабул итәсез?

– Филология, журналистика юнәлешләрендә укучы таныш студентларыбыз бар, теләге булганнар мәкаләләрен безгә даими җибәреп тора, без аны порталга урнаштырабыз. Бу булачак каләм әһелләренә чыныгу, тәҗрибә җыю өчен менә дигән мәйданчык. Бер кешене дә кире какмыйбыз – кызыклы материал була икән, рәхим итегез, татар һәм рус телләрендә җибәреп була.

Татар мәдәнияте турында язар өчен татар телен белү мәҗбүри түгел бит. Моның өчен порталдагы теләсә кайсы журналист белән яки минем белән элемтәгә керә аласыз.

Күптән түгел студентлар «Питер.татар» дигән исем белән студентлар җәмгыяте оештырып җибәрде. Анда Казан студентларыннан тыш, Казаннан Питерга күченеп киткән студентлар да бар. Бу җәмгыять яңа шәһәргә җиңелрәк ияләшер өчен булдырылды. Шулай ук без студентлар өчен эш бирергә яки аларны практикага алырга әзер булган эшмәкәрләр  белән дә хезмәттәшлек итәбез. Мәсәлән, Казаннан Питерга укырга кергән студентның татар яки Татарстан кешесендә практика узуы үзенә үк яхшы булыр иде.

Без инде андый кешеләр белән аерым төркем булдырдык. Эшмәкәрләр студентларга вакансияләр тәкъдим итеп тора. Без социаль челтәрләр аркылы үзебезне генә күрсәтеп калмыйбыз, студентларга этәргеч бирергә, эшкә урнашырга, практика узарга да ярдәм итәбез.

– You Tube хостингында каналыгызда төрле танылган һәм танылмаган шәхесләр белән туры эфирлар оештырасыз. Танылганнары эфирга ничек ризалаша?

– Танылган кешеләр белән аралашу You Tube каналны үстерергә булыша, ләкин без андый максат куймыйбыз. Иң мөһиме – әңгәмәдәшне аудиториябезгә таныту. Күбесе белән элемтә корырга вәкиллек ярдәм итә.

– Порталның киләчәген ничек күрәсез? Бер агым белән генә шул килеш барса, кызыгы бетәр кебек тоела. Ниндидер бөек планнар белән янасызмы?

– Порталны алга таба үстерергә телибез. Хәзер аудиториябез киңәйгәндә безгә карата мөнәсәбәт тә үзгәрде, җәмгыятькә файдалы булып каласыбыз килә.

Комментарийлар (46)
Калган символлар:
  • 18 май 2022
    Исемсез
    Отец Ринат Валиуллин создал работу - портал для сына Тахира?
  • 15 май 2022
    Исемсез
    Тахир не обращай внимания на таких гнилых людей. Будь Выше этого. Айрат Питер
  • 14 май 2022
    Исемсез
    Те кто пишут комментарии от имени Тахира Валиуллина. Ну вы хоть чуть-чуть логику включите. Зачем ему это писать от своего имени😂 Смешно .
  • 14 май 2022
    Исемсез
    Дорогие друзья! Только сейчас зашёл почитать комментарии и обнаружил, что от моего имени какие-то люди начали публиковать комментарии, которые оскверняют имя Равиля Закирова и показывают меня с наиболее нехорошей стороны. Я не имею никакого отношения к комментариям, которые подписаны от моего имени. Я с уважением, отношусь к каждому члену нашей команды. И считаю, что те кто делают подобные провокации, должны осознать всю глубину своих неоправданных и глупых поступков. С уважением, Валиуллин Тахир.
  • 14 май 2022
    Тахир Валиуллин
    Валиуллин Тахир Ренатович, ты большой молодец! Гордимся тобой! Молодец! Рига
  • 14 май 2022
    Тахир Валиуллин
    Тахир молодец, привет из Латвии!
  • 14 май 2022
    Тахир Валиуллин
    Тахир молодец, А равилю надо помочь, человек болеет. Таким надо помогать! Тахир Удачи брат, Ильсур, Питер!
  • 14 май 2022
    Тахир Валиуллин
    На самом деле. Тахир является создателем Портала и всех других мероприятий которые так были известны в городе. Тахир горжусь энекэш. Альбина И. Санкт-Петербург. Тахир гордимся! Молодец 😊😌👍
  • 14 май 2022
    Тахир Валиуллин
    Портал стал таким только благодаря Тахиру, он полностью вёл его сама знаю! Тахир Молодец! Алена, Санкт-Петербург!
  • 14 май 2022
    Тахир Валиуллин
    Тахир всегда был лицом и главной фигурой Портала. Считаю что он уже вырос этап этого Портала и можно передать дело его заму равилю закирову. Ведь все видели кто такой Тахир Валиуллин и кем является равиль. Сейчас Тахир уже на другом уровне! Пора взлетать выше. Ренат М. Санкт Петербург
  • 14 май 2022
    Тахир Валиуллин
    Ребята, читаю ваши комментарии в адрес Равиля и полностью вас поддерживаю. Надо таких людей полностью лишать права на голос. Те кто не знают родного языка и начинают считать себя самыми умными и высшими людьми над другими и те кто относится к остальным плохо должны не иметь право голоса. Тахир Валиуллин молодец 👍
  • 14 май 2022
    Исемсез
    Ребята, читаю ваши комментарии в адрес Равиля и полностью вас поддерживаю. Надо таких людей полностью лишать права на голос. Те кто не знают родного языка и начинают считать себя самыми умными и высшими людьми над другими и те кто относится к остальным плохо должны не иметь право голоса. #порталТахираВалиуллина ! Тахир Валиуллин молодец! Гордимся! Карим Питер!
  • 14 май 2022
    Исемсез
    Равиль Закиров написал и сам не понял что написал, в самом деле он недалекого ума человек как и пишут о нем ниже. Я сама работала с ним и знаю его. Тахир довели ему сайт и теперь Равиль начал писать завистливые комментарии. Но по факту все всегда говорили что сайт и портал это дело рук Тахира Валиуллина, он является хозяином и полным редактором сайта. Молодец Тахир! Миляуша, Санкт-Петербург
  • 14 май 2022
    Исемсез
    Тахир Валиуллин вот наш гарант и Надежда на будущее. Сам создал и вёл портал, нашёл команду. В своё время видимо дали возможность Равилю (который ниже написал комментарий) и он начал считать себя всем, но каждый знает какой он человек. Он про каждого ходил и говорил плохие вещи за спиной. У него нет и не будет друзей с такими темпами. А Тахир большой молодец, сам создал портал, вёл его, набрал команду! Горжусь. Равиля выгоняйте ребята, он лишь топит ваш корабль!
  • 14 май 2022
    Исемсез
    Равил аста комментарий язды. Шуннан да акылзык кешене кургәнем булмады өлек, ул куше белән сөйләшә белми узе ямсез хәм акылсыз кеше. Ничек анга Тахир порталны доверять итте икән шат катам. Ул Закировны куаргы кирәк. Бер нәрсә белми тәртипсез малай ул. Тахир син ул портланы алып барасын, ул чоннан синеке. Равилне куыгыз аннан ул тәртипсез кеше! Тахир узе Порталны алып барды хэм барлык өшләрне ясады, Равилне куыгыз дуслар. Линара, Санкт-Петербург. Тахир молодец 👍
  • 14 май 2022
    Исемсез
    Прекрасная у нас молодёж, ещё раз убедился. И вот такие ребята и есть настоящая опора и нации и языка и великой страны а не те блогеры которые всегда всем недовольны. Мне уже 64, много чего видел в жизни и от всей души желаю этому парню такого же позитива и исполнения всех его планов. Самара. Нурислам Хасанов.
  • 14 май 2022
    Исемсез
    К сожалению по татарски тексты читаю с трудом, но посмотрел видеорепортаж Тахира Валиуллина и прослезился, так передать тепло родного края, Сабантуя, с такой теплотой заснять семейные посиделки. Появилась большое желание познакомиться с этим молодым человеком.
  • 14 май 2022
    Исемсез
    Тахир син молодец 👍
  • 14 май 2022
    Исемсез
    Равиль узе татар порталын алып бара, ә узе татар телен белми. Куп тапкыр Ул кешене Питерда курдем, Равил Закиров татар сузләркн хәм татарча бер сузне дә әйтә алмый. Ә Тахир Валиуллин бик тә акыллы, тәртипле бала. Бик шат ул баруны! Тахир Уңышлар!
  • 14 май 2022
    Исемсез
    Равиль Закиров татарча белмэгэн килеш ничек татар сайтын эшлэтэ? Анын алда язган фикере бик аптыратты. Мансур. Гатчино Ленинград олкэсе.
  • 14 май 2022
    Исемсез
    Равилю можем организовать коллективный перевод, он видимо не совсем понимает татарский язык
  • 14 май 2022
    Исемсез
    Увидел реплику Равиля Закирова. А он прочёл статью? Әгәр үз артыңнан өндәп, юл күрсәтеп баручы булмаса, бер генә оешма да озак яши алмый. Порталның хужасы, идеяләрнең аккумуляторы һәм аны тулаем үз акчасына эшләтүче кеше - программист Равил Закиров. Ул яхшы оештыручы гына тугел, янына талантлы кешеләрне дә җыя белүче. Әйтик, бүген портал инде Россиядә генә түгел, ә чит илләрдә дә эшләп килгән татар вакытлы һәм электрон матбугат органнарының тулы бер бердәмлеген оештыра алды. Без даими рәвештә татар матбугатының бүгенге көндәге проблемаларын яктырткан онлайн форумнар, киңәшмәләр үткәрәбез, яңа тәкъдимнәр ясыйбыз. Шулай ук порталның үз Советын булдырып, атнага ике тапкыр җыелып, планнар корабыз, нәтиҗәләр ясыйбыз. Күренекле журналистларыбыз Зәрия Хәсәнова, Катифә Гайнетдинова, Ринат Мәһдиев, Линара Николашкиналар порталның үсешенә зур өлеш кертә. Бу хакта тулырак: https://intertat.tatar/news/tahir-valiullin-piter-tatar-sankt-peterburg-tatarlaryn-berlastergan-uzakka-ailande-5853036
  • 14 май 2022
    Исемсез
    Прекрасная статья, в Питер приехала из Белебея Республики Башкортостан. Вот уже 7 лет живу в этом прекрасном городе, Хотя я и башкирка, но с удовольствием посещаю татарские концерты, выставки художников, показы татарских фильмов и театров. И в большей части информацию получаем из ватсап групп Портала, организации Файда и Мирас. Основные все новости туда публикует насколько я вижу именно Тахир Валиуллин, значит он ведёт активную жизнь, общается, ведёт открытую и живую жизнь. Так держать Тахир.
  • 14 май 2022
    Исемсез
    Мин инде 5 ел Торкиядэ яшим, элеге интервьюны укыгач милли тормышка тагын да якынырак керэсе килде. Интернеттан безнен татар оешмасын таптым хэзер алар белэн элемтэгэ кереп эшли башларга уйлыйм. Рэхмэт бу интервью мине янгадан уяткан тосле булды. Марат Изьмир
  • 13 май 2022
    Исемсез
    Әти ярдәм итә дип, кул кушырып утырмыйм. Әтинең дәрәҗәсенә туры килер, йөзенә кызыллык китермәс өчен өстәмә җаваплылык алам дигән сүз. Киресенчә, мин күбрәк үсештә булырга телим. Бик көчле сузләр! Дөрөс!
  • 13 май 2022
    Исемсез
    Тахир достоин своих родителей, вот что я могу сказать однозначно. Он очень правильно сказал что на нем двойная ответственность и с него спрос выше, но я верю, что он справиться достойно со всем! Удачи, брат!
  • 13 май 2022
    Исемсез
    Всегда считала что наша молодёжь потеряна, но Тахир открыл мне глаза ❤️
  • 13 май 2022
    Исемсез
    Бик кызыклы хәм тулаем интервью! Молодцы! Тахир вперёд, Алга!
  • 13 май 2022
    Исемсез
    Тахир спасибо за интервью, ждём версий на русском языке. Молодец
  • 13 май 2022
    Исемсез
    Иногда говорят что на детях гениальных родителей гены отдыхают, но это не тот случай. Отец Тахира является весомой личностью для всех нас. Но в тоже время Тахир показывает, что лучшие гены Рената Накифовича перешли и к нему. Благодарю родителей Тахира за такого сына! Он наша и ваша гордость!
  • 13 май 2022
    Исемсез
    Бик зур рәхмәт шундый өшләр алып барган өчен👍
  • 13 май 2022
    Исемсез
    Интервью вышло вчера, но уже о нем говорят за пределами не только Татарстана и Санкт-Петербурга, но и за границей. Я живу в Великобритании и очень горжусь что у нас есть такая молодежь. Направлю всем своим знакомым. Хочу найти его в социальных сетях😊
  • 13 май 2022
    Исемсез
    Интервью получилось очень полным и интересным, но я считаю что столь значимая фигура как Тахир Валиуллин раскрыт не до конца как личность. Хотелось бы интервью связанное именно о его жизни, чтобы многие люди смогли получше узнать, столь талантливого молодого человека. Спасибо за твою работу!
  • 13 май 2022
    Исемсез
    Прочитал интервью и решил найти Тахира в социальных сетях. Если кому интересно то в известной социальной сети где можно публиковать фотографии и тексты (заканчивается на ГРАМ) думаю понимаете про какую социальную сеть я говорю. Он записан как : tahir_valiullin . Там к него очень много интересной информации, кому интересно переходите!) Тахир молодец, привет из Крыма!
  • 13 май 2022
    Исемсез
    На сегодняшний день Тахир уже является большим звеном в нашем обществе. Мы широко ценим его работу и его желание идти вперёд! Отдельная благодарность тому Зиле за столь замечательное интервью. Успехов!
  • 13 май 2022
    Исемсез
    Тахир большой молодец, что является таким великим и действительно талантливым человеком. Он большой молодец и его ждёт большая жизнь полная успехов. Желаем ему удачи! Привет от молодежи Москвы!
  • 13 май 2022
    Исемсез
    Бик тулы информация бирелгэн Питер татар порталы хакында. Мондый статьялар тагын да басылсын иде.
  • 13 май 2022
    Исемсез
    Я давно живу в городе Санкт-Петербург и к сожалению не так хорошо знаю татарский язык. Автор очень правильно отметил, что проблема татарского языка сегодня очень актуальна в регионах России и особенно среди молодёжи. Так приятно, что такие статьи о жизни татар нашего города освещаются в таких изданиях. Спасибо
  • 13 май 2022
    Исемсез
    Барчагызга кайнар сәләмнәр җибәрәсе килә,барчагызда зур маладислар. Мин Ленинградка 1980 елда эләктем,шәхәрдәге татар тормышын шул еллардан бирле белеп яшим.Бугенге актив яшләргә сокланам,зур рәхмәтләремне белдерәм! Вәлиуллиннарның өлеше татарлыкны устерудә зур диеп уйлыйм,hәммәгезгә зур рәхмәт,алдагы гөмерләрдә зур уңышлар теләп калам. Киям Курмакаев,Гатчина-Прага-Казан
  • 13 май 2022
    Равиль Закиров
    Стратегию развития портала определяет его шеф-редактор. К сожалению, выше изложенные факты не следуют из материала и могут ввести в заблуждение читателей. Надеюсь на Вашу компетентность. С уважением, Равиль Закиров, шеф-редактор портала "Питер Татар"
  • 13 май 2022
    Равиль Закиров
    Уважаемая редакция, В статье содержится неточная информация о работе портала "Питер татар". Ведет портал его шеф-редактор и владелец Равиль Закиров. Ему помогает команда, подробнее тут: https://piter.tatar/o-nas/ В нашей команде каждый занимается своей частью работы, поэтому нельзя говорить, что портал ведет один человек. Но рулевой команды - шеф-редактор портала, который также публикует материалы, готовит ежедневную новостную рассылку, общается с подписчиками в соцсетях, отвечает на их вопросы в личку и электронную почту, организует все онлайн мероприятия портала (при поддержке команды), занимается всем видеопродакшном (доступным в YouTube и RuTube), организует встречи Союза татарских порталов. Идея проведения Петербургского Татарского Медиафорума принадлежит шеф-редактору портала, основные его организаторы - Равиль Закиров и Катифа Гайнетдинова. Катифа выступает в роли соорганизатора и ведущей интервью/лекций портала, встреч Союза татарских порталов и ПТМФ. (продолжение следует)
  • 12 май 2022
    Исемсез
    Шундый яшләр кубрәк кирәк! Маладис Тахир!
  • 12 май 2022
    Исемсез
    Мин Тахирны куптән беләм! Бик тә акылла, шәп егет! Уңышлар анга!
  • 12 май 2022
    Исемсез
    Чоннан шундый яшьләр булгач безнең киләчәккә өмет бар!!! Уңышлар Тахир!!!
  • 12 май 2022
    Исемсез
    Питер татарлары куп регионнарнардагы татарлар очен куп яктан урнэк булып тора. Булдырасыз.
  • 12 май 2022
    Исемсез
    Бик матур мэкалэ. Тахир унгышлар.
news_right_column_1_240_400
news_right_column_2_240_400
news_bot_970_100