«Печән базары» фестиваленә быел милли киемнән килеп, бүләк алу мөмкинлеге бар иде. Тик милли киемнән булмаучылар адым саен очрады. Гади татар кызына заманча милли кием ничә сумга төшә? «Татар-информ» хәбәрчесе Зилә Мөбәрәкшина «Печән базары» сатучылары белән үзенә милли кием сайлап, андагы бәяләргә күзәтү ясады.

29-30 августта Кабан күленең яңартылган яры буенда татар дизайны һәм шәһәр мәдәниятен берләштергән зур чара — «Печән базары» фестивале узачак. 2013 елдан башлап үткәрелә торган фестиваль быел Татарстан Республикасы суверенитеты турындагы декларация кабул ителүенә 30 ел һәм ТАССР оешуына 100 ел тулуга багышланган.