«Табыннары ярлы» — Салават Миңнеханов белән Гүзәлем Кыргызстанда кунакта
Инстачы кунак өстәленнән бәлеш эзләгән.
Салават Миңнеханов Кыргызстанның хөрмәтле бизнесменнары белән очрашудан видео куйган. Анда Салават Гүзәлем белән барган, алар өстәл артында аякларын бөкләп утыралар.
Инстачылар өстәлнең сыйдан сыгылып тормавына аптыраган. «Табыннары ярлы», - дип язган инстачыга икенчеләре: «Алар халык ярлы яши бит. Анда эш юк, бар нәрсә дә кыйммәт», «Майонез белән болгаткан салатлар бездә генә инде», «Беренче итеп өстәлдән бәлеш эзләдем», - дип җавап язганнар.
«Безнең тугандаш халыклар», «Уңышлар сезгә», «Элек дус илдә яшәдек, бүген дә шулай булсын иде. Ул якларда күп булырга туры килде, гел кунак идек», — дип тә комментарий калдыручылар бар.