Табикмәк (рецепт)
Табикмәк - ул әче камырдан табага җәеп пешерелә торган, беленнән калынрак ашамлык. Менә бу рецепт буенча Тәския Вәгыйзова пешереп караган, бик тәмле килеп чыккан. Рецептны сезгә дә тәкъдим итәбез.
1 литр кефир, җылы суга 25 гр чүпрә салып күпертеп алырга, тәменчә тоз, шикәр комы, 2 йомырка, 2 стакан он, 2 стакан манный ярмасы салып тугларга һәм җылы урынга куярга. Рецептта кабарып менгәч кайнар сөт яки су кушарга кирәк диелгән, әмма мин берни кушмадым, ди Тәския ханым.
Камырга манный ярмасы урынына 1 стакан тары боткасы да пешереп салырга мөмкин.
