«Табиблар үлүен раслый». Төркиядә хәрабәләр арасыннан табылган ир-ат җирләгәндә терелгән

Төркиядә җир тетрәгәннән соң, хәрабәләр арасыннан ир-атны табалар, аны үлгән дип саныйлар һәм җирләргә җыеналар. Ир-ат табутка сала башлагач терелгән. Бу турыда РЕН ТВ каналы Expat Guide Turkey басмасына сылтама белән хәбәр итте.

Әхмәт-әл-Мәгрибине ишелгән бина хәрабәләре арасыннан берничә көн элек табалар. Табиблар аның үлүен раслый.

Әхмәтнең мәетен моргка алып китәләр, бирегә аның туганнары килә, мәетнең Әхмәт булуын туганнары да раслый. Шуннан соң гаилә Әхмәтне җирләүгә әзерләнә.

Хушлашу мәрасиме вакытында Әхмәт терелә. Гәүдәсен табутка салган чакта, ир-ат аңына килә.

Туганнары шок кичерә. Алар Әхмәтне хастаханәгә илтә. Хәзер ул дәвалана һәм үзен яхшы хис итә, диелә хәбәрдә.