Табиблар кешенең якын арада үләчәген күрсәткән билгеләрне атаган
Бу симптомнарның кешедә булуы ул үләчәк дигән сүз түгел, әмма көчле авырган кешеләрдә андый күренешләр күзәтелсә, якыннарына игътибарлы булырга кирәк.
РИА Новости Express басмасына сылтама белән, кешенең тиз арада үләчәген күрсәткән билгеләрне атаган.
АКШның сәламәтлек илкүләм институты мәгълүматлары буенча, иң еш очрый торган билгеләр - тын кысылу һәм һава җитмәү хисе. Өлкән һәм каты авырган кешеләр шулай ук тынгысызлык һәм депрессия дә кичерергә мөмкин. Шулай ук кешенең йокымсыравы һәм тиз аруы күзәтелә.
Табиблар әйтүенчә, бу симптомнарның булуы кеше үләчәк дигән сүз түгел. Әмма кеше каты итеп авырый икән, бу билгеләргә игътибар итәргә кирәк, диелгән мәкаләдә.
Вафат булыр алдыннан кешенең игътибары, аппетииты һәм эчәсе килү хисе бетә. Куллары, аяклары суына. Тәнендә зәңгәрсу һәм тонык төсмерләр барлыкка килүе бар. Сулышы һәм йөрәк тибеше акрыная. Күкрәк читлеге хәрәкәтләнүдән туктый, пульсы югала.