«Чаллы-бройлер» комбинатында эшләүченең куллары җиһазга кысылган: кыз бер кулсыз калган
«Чаллы-бройлер» ҖЧҖнең 27 яшьлек оператор-юучысы инде 2 атна Чаллының Ашыгыч медицина ярдәме хастаханәсендә ята. «Челнинские известия»гә хәбәр итүләренчә, реанимациядән соң, аны травматология бүлегенә күчергәннәр, анда ул кирәкле дәвалану курсы уза. Аның 1 кулы ампутацияләнгән. Икенчесен, бәхеткә, коткарып калуга ирешкәннәр.
Исегезгә төшерәбез, фаҗига 19 мартта булды. Җитештерү эшләре вакытында предприятиенең яшь хезмәткәрен җиһаз китереп кыса, нәтиҗәдә, аның куллары һәм күкрәк читлеге җәрәхәтләнә, бу – аның сәламәтлегенә авыр зыян китерә.
«Чаллы Бройлер» ҖЧҖендә бәхетсезлек очрагы факты буенча РФ Җинаять кодексының 143 нче маддәсенең 1 нче өлешендәге «Хезмәтне саклау таләпләрен бозу» буенча җинаять эше кузгатылган.
Әгәр хезмәтне саклау таләпләрен бозу кеше сәламәтлегенә авыр зыян китерсә, гаепле кешене 1 елга кадәр ирегеннән мәхрүм итәргә мөмкиннәр.