Муен һәм иңбаш тирәсен саксыз массажлау җитди өзлегүләргә, шул исәптән инсультка да китерергә мөмкин. Бу хакта сертификатлы массаж ясаучы Юлия Адетона кисәтә, дип яза «Радио 1».
Аның сүзләренчә, муен – куркыныч дәрәҗәсе югары булган өлкә. Аннан баш миен кан белән тәэмин итүче йокы һәм умыртка артерияләре уза. Бу кан тамырлары, мәсәлән, бот артерияләре кебек, мускуллар белән яхшы сакланмаган, шуңа күрә дөрес булмаган басым сәламәтлек өчен куркыныч тудырырга мөмкин.
Белгеч әйтүенчә, иң зур куркыныч – кан тамыры стенасы ертылу. Артык көчле тәэсир иткәндә артерия стенасы катламнарга аерылырга мөмкин, ә зарарланган урында тромб барлыкка килә. Ул кан әйләнешен томаларга яки кубып чыгып, баш миендәге кан тамырын томалап, инсульт китереп чыгарырга мөмкин.
Куркыныч факторларына умыртка баганасын сузу алымнары һәм кешенең тукымалары торышына туры килмәгән көчле массаж ысуллары керә. Әгәр процедурадан соң баш авырту, баш әйләнү, колакта шаулау яки кул-аяклар ою барлыкка килсә, кичекмәстән медицина ярдәме сорап мөрәҗәгать итәргә кирәк, дигән табиб.