Табиб: Магнитогорскида газ җимерелгәннән соң харәбәләр астыннан коткарылган балага куркыныч янамый
Табиб: Магнитогорскида газ җимерелгәннән соң харәбәләр астыннан коткарылган балага куркыныч янамый
Бүген Магнитогорски шәһәрендә иртәнге дүртләр тирәсендә торак йортта газ шартлап, бер подъезд өченче каттан башлап унынчы катка кадәр җимерелгән. Хәзерге вакытта өч кешенең һәлак булуы турында хәбәр ителә. 79 кешенең язмышы билгесез. Дүрт кеше харәбәләр астыннан коткарылган. Алар арасында 13 яшьлек ир бала да бар.
Баланы Магнитогорски хастаханәсенә җибәргәннәр. Аның тормышына куркыныч янамый, дип хәбәр итә Магнитогорскиның гаммәви мәгълүмат чаралары.
- Нәрсә кирәк, барысы да эшләнә. Бала реанимациядә, әмма аның хәле авыр түгел. Янында әнисе, бала аңында, аңа бернинди куркыныч та янамый, - дигән табиб.
Магнитогорскиның өченче хастаханәсе баш табибы Михаил Щербаков журналистларга ике олы кеше китерелгәнен әйткән. Аларга да куркыныч янамый. Әмма Щербаков фаҗигадән соң вакытның инде күп узганын әйткән, шуңа исән килеш тагын кемнедер китерерләр дип өметләнмим, дигән ул.
Җимерелгән йортта 110 кеше теркәлгән булган.