Ерактан начар күрү шансын киметү өчен кишер һәм майлы балык ашау файдалы. Бу хакта РИА Новостига офтальмолог Елена Оноприенко сөйләгән.
«А, С, Е витаминнарына, лютеинга һәм омега-3кә бай ризыклар күз күреме өчен файдалы. Боларга кишер (бета-каротин), кара җиләк (антоцианнар), майлы балык (омега-3) керә», – дигән ул.
Офтальмолог сүзләренчә, шпинат һәм йомырка да күзләр өчен файдалы: бу ризыклар күзнең челтәр катлавын ныгыта һәм ерактан начар күрүне кисәтә.