Табиб буыннарны саклау өчен киңәшләр бирде
Табиб буыннарны саклау өчен киңәшләр бирде
Россия табибы һәм телевидение алып баручысы Александр Мясников "Россия 1" телеканалында бара торган "О самом главном" тапшыруында буыннарның сәламәтлеген саклау өчен биш киңәш бирде.
Табиб буыннар сәламәтлеген яшьтән үк кайгыртырга киңәш итә. Дөрес булмаган яшәү рәвеше, симерү һәм инфекцияләр авыру куркынычы тудыра. Шулай ук буыннар сәламәтлегенә псориаз һәм гепатит кебек чирләр дә тәэсир итә икән.
Табиб йөгерү урынына актив җәяү йөрергә куша. Александр Мясников нагрузканы бөтен гәүдәгә дөрес таратырга, буыннарны язарга, көн саен разминка һәм гимнастика ясарга киңәш итә.
Буыннарны сәламәт килеш саклауның иң яхшы ысулы - артык авырлыктан котылу. Бу иң төп куркыныч факторы. Дөрес тукланырга һәм тәмәке тартмаска кирәк.
Мясников әйтүенчә, буыннарга тоз утырмый. Әмма шешенүләр булмасын өчен тозны азрак кулланырга кирәк.
Әгәр авырту сизәсез икән, табибка баруны кичектерермәскә кирәк.