Төссез агулы гөмбә (белая поганка), галерина токсины пешергәндә бетәме?
Сорауга ТР Сәламәтлек саклау министрлыгының штаттан тыш баш токсикологы, Казан шәһәре 7нче хастаханәсенең токсикология бүлеге мөдире Алия Насыйбуллина җавап бирә:
- Безгә пациентлар гөмбә сезоны вакытында гына түгел, ел әйләнәсе мөрәҗәгать итә. Ник дигәндә, кеше бүген җыйган гөмбә белән генә түгел, маринадланган, тозланган гөмбә белән теләсә кайсы ел фасылында агуланырга мөмкин. Әйтик, төссез агулы гөмбә (белая поганка), галерина токсиннары эшкәртүгә бирешми, дөресрәге алар югары температурага да бирешми. Әгәр ашарга яраклы гөмбәләр белән бергә шушы гөмбәләр дә консервланган, маринадланган яки туңдырылган икән, свежий гөмбә белән агуланган кебек үк агуланырга мөмкин.