Тәрәзәдән автоматтан аткан хатын-кызны эзлиләр — видео
Әлеге видеоны социаль челтәрләрдә Яр Чаллы төркемнәрендә урнаштырганнар.
Яңа ел каршылаган вакытта тәрәзәне ачып, автоматтан урамга аткан
«Яңа ел белән, Ольга Ивановна», — дип дәшә кадр артындагы тавыш. Шуннан соң хатын автомат ала да ачык тәрәзәдән урамга ата. Аның мылтыкны һөнәриләрчә оста кулланып, бер чират иттереп атуы күренә.
Хәзерге вакытта бу видео Владикавказ, Яр Чаллы, Ставрополь, Ростов төркемнәрендә урнаштырылган. Кайсыбер комментаторлар язганча, бу хатын Донецк шәһәрендә булган, икенчеләре исә Краснодар дип әйтә.
Социаль кулланучыларның күбесе бу хатынның гамәлен ошатмый, башкалары исә петарда атарга ярагач, ник автоматтан атарга ярамасын дип әйтә.
Шулай да, видеоны караучылар фикеренчә, мылтык хәрби түгел, ә патроннар буш булган.