Түрәнең өенә бәреп кереп, пычак белән кадаганнар

Самара өлкәсендә Росимуществоның территориаль идарәсенең элеккеге җитәкчесенә һөҗүм иткәннәр. Бу турыда хокук саклау органнарындагы чыганагына сылтама белән РИА Новости агентлыгы хәбәр итте.

«Самара өлкәсенең Красноярски районында дүрт ир-ат элеккеге түрә йортына бәреп керә. Аңа пычак белән кадыйлар. Ул хастаханәгә озатыла», — дип сөйләгән агентлык әңгәмәдәше.

Аңа операция ясадылар, хәзерге вакытта хәле стабиль, диелгән әлеге хәбәрдә.

Самара өлкәсе буенча Эчке эшләр министрлыгы идарәсендә хәбәр иткәнчә, урында оператив-тикшерү төркеме эшли. Һөҗүм итүчеләрнең шәхесе ачыклана.