«Төнлә өй җыештырырга ярамый» — Илсөя Бәдретдинова концерттан соң өенә кайта
Җырчы 135нче концертын куйган.
Татарстанның атказанган җырчысы Илсөя Бәдретдинова гастрольдән өенә кайтырга чыккан. Шул уңайдан тамашачыларына да рәхмәт белдергән һәм улы Нәриманга өйне җыештырып, каршы алырга кушкан.
«Әлмәттә «Фәрештә түгел» программасының 135нче конөерты булды. Әле Аллаһы бирсә, алда 60 концертыбыз тора!
Безне хөрмәт иткән һәр тамашачыга чиксез рәхмәт. Мине бәхетле иткәнегез өчен, ишелеп-ишелеп меңләтә үзегезгә кайтсын.
Казанга кайтып барабыз… Сагындым…
Наримачо, бутер яса. Чәй куй. Бүлмәңне җыештыр… Тәрәзә төпләре дә безнең өйгә керә, яме. Әле өлгерәсең», — дип улына хәбәр иткән җырчы.
«Нәриман, борчылма, төнлә өй җыештырырга ярамый», дип җырчының улын яклап комментарий калдырган инстачылар.
«Сез елына 365 концерт куймыйсызмыни? Мин монда танышларга мактап йөрим тагын елына 365 концерт куя диеп», дип язган берәү.
Тамашачылар «Фәрештә түгел» программасын бик яратулары, ә җырчының «бик молодец» булуы турында комментарийлар калдырган.