Тәндәге кызыл миңнәрнең нинди куркынычы бар?
Кызыл миңнәр чыкса, кояшта кызынмау хәерле.
Табиб һәм алып баручы Татьяна Шаповаленко тәндәге кызыл миңнәр турында «Аргументы и Факты» белән әңгәмәдә сөйләгән.
Кызыл миңнәр ангиома дип атала һәм алар бөтен кешедә дә булырга мөмкин.
Бу — яхшы сыйфатлы үсентеләр, алар кан тамырлары үзгәрешләре аркасында килеп чыга. Табиб сүзләренчә, алар куркыныч түгел, тик бу үсентеләр яман шешкә әверелү ихтималы бар.
«Шуңа күрә ангиома булганда, кояшта кызынмау хәерле, тәнне кием белән капларга кирәк», — ди табиб.
Кызыл миң зурайса, төсе үзгәрсә, табибка мөрәҗәгать итәргә кирәк, ди табиб.