Тән тиресенең төсеннән нинди авырулар барлыгын белеп була?
Тән тиресе төсен үзгәртсә, организмдагы авырулар турында хәбәр итә.
Табиблар фикеренчә, тиренең төсе белән организмның сәламәтлеге арасында турыдан-туры бәйләнеш бар.
Әгәр тиренең төсе кара кучкылга үзгәрә икән, бөер асты бизләрен тикшертергә кирәк.
Тире кисәк кенә төссезләнсә, тоныкланып калса йөрәк, калкансыман биз һәм үпкәләр белән бәйле проблемалар булырга мөмкин, дип яза volg.mk.ru сайты.
Тиренең кызарып торуы - гипертония яки йөрәк-кан тамырлары системасы патологияләре билгесе.
Ә тире күгәренеп торса, тирегә кан тиешенчә килми дигән сүз. Бу очракта кардиологка күренергә кирәк.
Саргылт төстәге тире бавыр һәм үт куыгы авыруларына бәйле булырга мөмкин.