Тән тиресендә яман шеш билгеләре нинди була?

Тәндә кечкенә генә кызыл шешләр, тимгелләр барлыкка килсә, алар черки тешләгән урын кебек тоелса, тиредә яман шеш булуы ихтимал. Бу турыда Британия табибы Росс Перрига сылтама белән Daily Mirror хәбәр итте.

«Авыру кеше берәр бөҗәк тешләде дип уйларга мөмкин. Тик бу очракта тешләгән урын бер-ике атнада төзәлеп бетә, көн саен кимеп бара», — ди табиб.

Төзәлми торган яралар булса, алар дискомфорт тудырса, белгечкә мөрәҗәгать итәргә кирәк, дип яза РИА Новости.

Тире яман шеше билгеләре:

• тәндә сәбәпсез зурая торган шрамнар, авыртулар барлыкка килү,
• күз кабагына бетчәләр чыгу,
• тырнак астында кара таплар,
• башта һәм муенда аксыл таплар барлыкка килү.