Тән кычыту нинди куркыныч авыру турында кисәтергә мөмкин?
Бетчәләр, кызару, кычыту барлыкка килсә, кичекмәстән дерматологка мөрәҗәгать итәргә кирәк.
Табиб сүзләренчә, тән тиресе кычыту яман шеш авырулары турында кисәтергә мөмкин. Шулай ук эчке органнарда авырулар да булуы ихтимал. «Челнинские известия» шул хакта яза.
Германия табиб-дерматологы Яэль Адлер сүзләренчә, гади генә кычыту да онкология турында сөйләргә мөмкин.
«Тән тиресе — организмдагы үзгәрешләр турында хәбәр итә торган орган, кычыту һәм кызару эчке органнарда үзгәрешләр, шул исәптән шикәр авыруы һәм яман шеш турында да сөйләргә мөмкин. Шуңа күрә бетчәләр, кызару, кычыту барлыкка килсә, кичекмәстән дерматологка мөрәҗәгать итәргә кирәк», — ди ул.