Тәгәрмәчләрне кышкыга алмаштырмаган өчен нинди суммадагы штраф кертелә?
Автомобиль йөртүчеләргә машинага кышкы тәгәрмәчләр куяр вакыт җитте.
11 ноябрьдән башлап Россиядә юл йөрү кагыйдәләренә яңа төзәтмәләр гамәлгә керә. Декабрьдән февраль аена кадәр машинада җәйге тәгәрмәчләрдә йөрергә ярамый. Моның өчен аерым штраф каралмаса да, ЮХИДИ инспекторлары иминлеккә бәйле башка маддәләр буенча җәзага тартырга мөмкин. Бу турыда "АиФ" хәбәр итте.
Машина йөртүчене протекторлары тузган өчен җаваплылыкка тартырга мөмкиннәр. Чөнки җәйге шиналарның протекторлары тирәнлеге кышкы резинаныкынна кимрәк. Ә моның өчен кисәтү яки 500 сум штраф каралган.
Кышкы шиналар дүрт тәгәрмәчкә дә куелырга тиеш. Аерым тәгәрмәчне генә кышкыга алмаштыру тыела. Шулай ук тәгәрмәчләр барысы да бер тизлеккә хисапланган, протекторлары да бертөрле булырга тиеш.
Параметрлары туры килгән очракта да, шиналарның төрле модельләрен кую тыела.