Түбән Новгородта ЗАГСка ковидтан прививка сертификаты алып килергә кирәк
Тантанага килүче кешеләрнең барысына да битлек кию һәм түбәндәге документларның оригиналын алып килү таләп ителә.
Түбән Новгород ЗАГСларында никахны рәсми теркәү тантаналары Түбән Новгород губернаторының 2020 елның 13 мартындагы «Югары әзерлек режимы кертү турында» карары нигезендә оештырыла. Шул сәбәпле никахны тантаналы рәвештә уздыру өчен таләпләрне Түбән Новгород ЗАГСы баш идарәсе сайтында игълан иттеләр.
Тантанага килүче кешеләрнең барысына да битлек кию һәм түбәндәге документларның оригиналы (Дәүләт хезмәтләре порталыннан qr-коды) кирәк:
— COVID-19 авыруыннан профилактика прививкасы сертификаты;
— COVID-19 авыруына лабораториядә ПЦР ысулы белән тикшерү анализының тискәре нәтиҗәсе (срогы 3 көннән дә артык түгел);
— балигъ булмаган балалар өчен SARS-CoV-2 вирусына антигеннарга экспересс-тест нәтиҗәләр (срогы өч көннән артык түгел);
Шулай ук «чараларда катнашучының универсаль документы» да таләп ителә, диелә хәбәрдә.