Түбән Камада югалган хатынны коедан тапканнар
Түбән Кама районында 75 яшьлек хатын өченче көн югалган булган. Аның гәүдәсен кичә табып алганнар.
НТР каналы хәбәр иткәнчә, карчыкны волонтерлар эзләргә ярдәм иткән. Благодатная авылында Ольга Никитина югалу турында хәбәрне оныгы Сергей әйткән булган.
Әби еш кына йөрергә чыгып киткәләгән, тик бу юлы өйгә кайтмаган.
Ташландык биналарны тикшергәннән соң, кое янында эзләр күреп алганнар. Эзләр янында әбинең әйберләре дә табылган.
Олы яшьтәге кешене коега төртеп төшергәннәрме, әллә үзе төшеп киткәнме - тикшерүчеләр хәзер шуңа ачыклык кертү өчен эшли.
