Түбән Камада югалган 17 яшьлек егетне эзлиләр
Егет 13 гыйнварда өйдән чыгып киткән һәм әйләнеп кайтмаган.
Түбән Кама полициясе 17 яшьлек егетне эзли. Бу турыда «Татар-информ» агентлыгына Эчке эшләр министрлыгының Түбән Кама районы буенча идарәсенең матбугат хезмәтеннән хәбәр иттеләр.
Арсель Әхмәтшин 13 гыйнварда өйдән чыгып киткән һәм югалган. Шул көннән бирле аның кайда булуы билгеле түгел.
Үсмер егет тезенә кадәр озынлыктагы кара куртка, кара чалбар, кызыл бизәкләре булган кара кроссовки кигән. Күзләре коңгырт-кара төсле, чандыр гәүдәле.
Арсельнең кайда икәнен белгән һәркемгә 8 (904) 716-14-58, 02 номерларына шалтыратырга, яки егетнең туганнарына хәбәр итәргә сорыйлар.