Түбән Камада яшәүчеләр ишегалларында ремонт ясаучыларга урамда табын корган
Видеода эшче ир-атларны бәлеш һәм кайнар чәй белән сыйлыйлар.
Түбән Камада яшәүчеләр ишегалдын төзекләндерүче эшчеләр өчен урамда табын корган. Эшчеләрне кайнар чәй, пироглар, карбыз һәм кавын белән сыйлаганнар. Бу турыда «Татарстан хәбәрләре» аккаунтында хәбәр ителә.
«Юк, бу кемнеңдер туе яки юбилее да түгел. Түбән Камада яшәүчеләр ишегалларында ремонт ясаган эшчеләргә шулай рәхмәт белдерергә булган. Алар табын әзерләп, эшчеләрне сыйлаган», — дип язган видео авторы.
«Безнең заманда бик сирәк күренеш», — дип хуплаган инстачылар бу гамәлне.