Түбән Камада йөзләп бала берьюлы Менделеев таблицасы элементлары турында җырлаган - видео

Түбән Кама шәһәрендә Химиклар көнен бәйрәм иткәннәр. Тамаша вакытында йөзләп бала берьюлы сәхнәгә чыгып, Менделеев таблицасындагы барлык элементларның исемен әйтеп җырлаган. Җыр 4,5 минут дәвам иткән. Шушы вакыт эчендә барлык химик элементларның да исемнәрен атап чыкканар. Бу турыда районның матбугат хезмәте хәбәр итте.

«Нефтехим-Арена» сәхнәсенә алты музыка мәктәбеннән 103 бала чыгып баскан. Җырның сүзләрен бер атна чамасы вакыт эчендә өйрәнгәннәр.

Бу көнне сәхнәдә 500 курайчы, "Нардуган", Бию планетасы" төркемнәре дә чыгыш ясаган.