Түбән Камада велосипедчыны бәрдергән машинада буш аракы шешәсе табылган
28 сентябрь көнне, Түбән Камада велосипед йөртүчесен бәрдергән машинада буш аракы шешәсе табылган. Бу хакта НТР 24 телеканалы хәбәр итә.
Буш шешә арткы пассажир урынында табыла.
27 яшьлек "уникеле" йөртүчесе велосипедчыны бәрдергәндә исерек хәлдә булгн дип фаразлана. Фаҗига урынына аның туганнары килгән. Хәзерге вакытта авариянең сәбәпләре ачыклана.
Искәртеп үтик, шәхесе ачыкланмаган велосипедчы, Байдаркино торак пункты янында авариядә һәлак булган иде.
Зыян күрүче фаҗига урынында вафат булды.
