Түбән Камада машинага ут төртүчене видеокамера төшереп торган
Төнге икеләр тирәсендә парковкадагы бер машинага ут каба.
Түбән Кама шәһәрендә төнлә чит кеше машинасына ут төртүчене видеокамера төшереп торган. Бу кадрларны «Татвижен» ситуация үзәге күрсәткән.
НТР-24 хәбәр иткәнчә, гадәттән тыш хәл 12 мартта төнге икеләр тирәсендә була. Машина Шинниклар проспектындагы 1 нче номерлы йорт янында парковкада тора.
Видео кадрларыннан күренгәнчә, машина янына бер кеше килә, ул нидер эшли, аннары йөгереп китеп бара. Шуннан соң машинага ут каба.
Бу кешене полиция эзли, диелә хәбәрдә.