Түбән Камада мәете табылган 25 яшьлек хатынның ике баласы ятим калган
Виктория чәршәмбе көнне өйдән чыгып китә һәм әйләнеп кайтмый.
Түбән Камада 3 февральдә югалган Виктория Г. мәетен 7 февральдә тапканнар. Бу турыда НТР 24 каналы хәбәр итте.
Телеканалның үз чыганагы белешмәсе буенча, Викториянең мәетен урманда тапканнар, аның ике баласы ятим калган.
Виктория югалу турында «След» эзләүчеләр төркеме хәбәр тарата. Аңа 25 яшь була. Виктория чәршәмбе көнне өйдән чыгып китә һәм әйләнеп кайтмый. Аны шимбә көнне волонтерлар эзли башлый.
Викториянең үлеме сәбәпләре хәбәр ителми. Аны җирләү өчен акча җыялар, диелә хәбәрдә.
