Түбән Камада агачларга куян үләксәләре элеп куйганнар
Авыл халкы куркуга калган.
Татарстанның Түбән Кама районындагы Борок авылы халкы агачка элеп куелган куян үләксәләре тапкан. Авылның социаль челтәрдәге сәхифәсендә шул хакта язганнар.
«Кем эшләгән моны, ник, ни сәбәпле», — дип яза кулланучылар.
«Ноябрьдә эт белән аучы йөргән иде, күп балалы гаиләләр яши торган районда куяннар атып йөрде. Тавыш ишеттек, чыгып, кисәтү ясадык. Тик ул бик тиз китеп барды, кая атканын күрүен кычкырды. Торак секторда мондый хәл булырга тиеш түгел инде», — диләр.
Биологик ресурслар буенча дәүләт комитеты белешмәсе буенча, ситуация контрольгә алынган. Әлеге мәгълүматны тикшерү бара. Бу турыда НТР 24 каналы хәбәр итте.
