Түбән Камада 31 декабрьдә ике ир-ат югалган
Ир-атларның берсенә медицина ярдәме кирәк булуы ихтимал.
Түбән Кама шәһәрендә югалган Роберт Гәрәевны эзлиләр. Ул 1979 елда туган. Бу турыда эзләүчеләргә сылтама белән НТР 24 каналы хәбәр итте.
Ир-ат 31 декабрьдә өйдән чыгып киткән һәм шуннан бирле әйләнеп кайтмаган. Кара башлык, юка чалбар һәм кроссовки кигән. Бу 160 см, кара чәчле. Аңа медицина ярдәме кирәк булуы ихтимал.
Роберт Гәрәев турында белешмәсе булган кешеләргә шалтырату өчен телефоннар: 102, 8 (917) 261-91-71.
Түбән Камада яшәүче Евгений Бакиров та 31 декабрьдә чыгып киткән һәм әйләнеп кайтмаган. 50 яшьлек ир-ат көндезге берләр тирәсендә машинага утырып киткән булган.
Аның машинасы көмеш төсле Renault (номеры Е 979 УТ). Евгений кара куртка, зәңгәр джинс чалбар, башына йон шапка кигән.
2 гыйнварда Евгений Бакиров исән килеш табылган, Роберт Гәрәевны эзләү дәвам итә.
