Түбән Кама районында бер хатын янып үлгән
Электр үткәргечендә кыска ялганыш булып, йортка ут капкан.
16 октябрьдә Түбән Кама районының Шәңгәлче авылында янгын чыккан. Шәхси йорттагы янгынны сүндерергә килгән коткаручылар хатын-кыз мәете табып алган. Бу турыда НТР каналы хәбәр итте.
Янгын кичке якта башланган. Беренчел мәгълүматлар буенча, электр үткәргечендәге кыска ялганыш булып, йортка ут капкан дип фаразлыйлар. Мәрхүмә турында башка мәгълүмат хәбәр ителмәгән.