Түбәдән кар ыргытып йөргән ир йортның бәдрәфенә барып төшкән
Түбәдән кар ыргытып йөргән ир йортның бәдрәфенә барып төшкән
Пермь шәһәрендә эшче ике катлы йортның түбәсеннән кар чистартып йөргәндә, түбә тишелеп, йорт эчендәге бәдрәфкә барып төшкән, дип яза Лента.ру.
Зыян күргән фатир хуҗасы идарәче компания вәкилләрен чакырган. Алар тишекне фанера кисәге белән каплап куйганнар. "Әлегә безгә беркем берни вәгъдә итмәде, дүшәмбе комиссия киләчәк һәм карар кабул итәчәк. Әлегә без юына да алмый йөрибез", - дип сөйләгән хуҗа хатын.
Хатын 70 ел элек төзелгән бу йортны кер юу машинасы дерелдәвенә дә селкенә дип тасвирлаган. Йорт кыйшайган, ә түбәсеннән бертуктаусыз су тама икән. 2014 елда йорт авария хәлендә дип табылган, әмма хакимият биредә яшәүчеләрне башка йортка күчерү турында карар кабул итмәгән.