9 октябрьдә болытлы һава торышы көтелә. Төнлә урыны белән җепшек кар яварга мөмкин. Җил көньяк-көнбатыштан секундына 7-12 метр, урыны белән 15-20 метр тизлектә фаразлана. Төнлә һава 0..+4 градус, көндез +3..+8 градус көтелә.
10 октябрьдә болытлы һава көтелә. Яңгыр һәм урыны белән җепшек кар яварга мөмкин. Җил көньяк-көнбатыштан секундына 6-11 метр, урыны белән 13 метр тизлектә фаразлана. Төнлә һава 0..+5 градус, көндез +3..+8 градус көтелә.
Кимүче ай, ай Арыслан йолдызлыгында.
Яшь агачларның ботакларын кар сындырмасын өчен бәйләп куярга кирәк. Җиләк-җимеш начар бирә торган агачларны һәм куакларны кисеп алырга. Карлыган һәм крыжовник куакларын «яшәртергә». Теплицаны язга әзерләргә. Өйдә яшеллек өчен суган һәм сарымсак, салат утыртырга була.
