Модель, актер һәм җырчы-музыкант Африка егете Эль Шансино социаль челтәрдә татарча җырлаган видеосын куйган. Ир-ат машинада барганда Әнвәр Нургалиевның «Кочаклама яратмыйча» җырын башкара. Бик күңелле видео.
«Сез күз алдына да китерә алмыйсыз ничек мин светофорда кешеләрнең кәефен күтәрәм», – дип язган ул. Ничек сезгә?
Социаль челтәрдән аңлашылганча, Эль Шансино 10 еллап инде Россиядә яши, хәзер аңа 34 яшь. Аның әти-әнисе Конгода. Эль Шансино тормыш иптәше Виктория белән 2 бала тәрбияли. Эль Шансино кавер төркем дә булдырган, анда тормыш иптәше дә җырлый. Алар төрле чараларда чыгыш ясый. Ул шулай ук рекламаларда модель буларак та төшә. Аңлавыбызча, татар эстрадасын да үз итә.
