«Суырып алган һәм беркемгә әйтмәгән». Баланың үпкәсендә ике ел яткан энәне тапканнар

Ростов шәһәрендә яшәүче баланың үпкәсендә 2 ел буена энә яткан. 11 яшьлек малай күкрәк турысы авыртуга зарланган. Бу турыда төбәк буенча Сәламәтлек саклау министрлыгына сылтама белән РЕН ТВ яза.

Баланың үпкәсендә энә булуын хастаханәдә ачыклаганнар. Малайның температурасы күтәрелгәч һәм күкрәге авырткач, аны табиблар янына алып килгәннәр.

Хастаханәгә килгәч кенә, малай 2 ел элек энәне «суырып» алуын һәм бу турыда беркемгә дә әйтмәвен сөйли. 2 ел дәвамында чит предмет аңа бер авырлык та китерми. Бу вакыт эчендә тегүчеләр энәсе капсула белән капланырга өлгерә.

Табиблар сайлау алдында тора: алар энәне бармак белән капшап карап эзли ала, яки үпкәнең бер сегментын кисеп алу ысулы була. Үпкәнең бер өлешен кисеп алу баланың киләчәктәге сәламәтлегенә йогынты ясарга мөмкин.

«Калуст Геворкович Франциянц, күпьеллык тәҗрибәсенә таянып, чит предметны капшап таба һәм ала», – дип аңлаткан төбәк Сәламәтлек саклау министрлыгының баш балалар хирургы Глеб Новошинов.

Ростов өлкәсе буенча Сәламәтлек саклау министрлыгының «ВКонтакте» челтәрендәге сәхифәсендә энәнең фотосын да күрсәттеләр.