Сургут депутаты декларациядә 26 фатиры, 10 самолеты булуын күрсәткән
Аның шәхси газүткәргече, торак йорты, өч автостоянкасы, экскаваторы да бар икән.
Сургут шәһәрендә ЛДПР депутаты һәм эшмәкәр Евгений Барсов 2019 елда 72 миллионнан артык акча туплаган. Декларациясендә күрсәткән мәгълүматлар буенча, депутатның кереме 2 тапкыр арткан. Евгений Барсовның 10 спорт самолеты, шәхси газүткәргече, торак йорты, өч автостоянкасы, экскаваторы, Россиядә территориясендә 26 фатиры бар икән. Бу турыда НТВ каналы язды.
2018 ел нәтиҗәләре буенча Барсовның 29 фатиры булган. 2016 елда ул 10 самолет, 5 фатир, 11 миллион сум табышын декларациягә керткән булган. 2017 елда керем турында мәгълүмат юк, шул елны ул «Бердәм Россия» партиясеннән чыккан. Аннары өстәмә сайлауда катнашып, ЛДПР әгъзасы буларак Думага узган.
Евгений Барсов ХМАЮ-Югра Самолет спорты федерациясе президенты. Моңа кадәр 25 ел «Сургутстройтрест» оешмасы генераль директоры була, 2018 елда бу активын сата, дип яза матбугат чаралары.