«Сумкадан үкчәләре чыгып тора иде». Сусаклагыч буасында хатын-кыз аяклары табылган

Санкт-Петербургта коммуналь хезмәт эшчеләре буада сумка тапкан, аның эчендә хатын-кыз аяклары булган. Бу турыда РЕН ТВ хәбәр итте.

Хатын-кыз гәүдәсе кисәкләре салынган сумканы 2 ноябрьдә Ижорский буасында табалар.

«Бу хәл 12.20 сәгатьтә Ижорский сусаклагычында булды. Егетләр көймәдә кереп, акваторияне чистарттылар. Участокның уртасы тирәсендә тырмалар сумка тартып чыгарган. Аны ярга алып чыктылар, полиция чакырттык», – дип сөйли эшчеләрнең җитәкчесе Ольга Наумова.

Сумкадан үкчә тырпаеп торган. Ольга сүзләренчә, якында беркем дә булмаган. Хәзер алар бу турыда хокук саклаучыларга сөйләгән.

Тикшерүчеләр җинаять эше ачкан. Хатын-кыз аяклары суда 9-13 көн яткан, дип фаразлыйлар. Хәзер бу урында мәетнең башка өлешләрен эзлиләр, диелә хәбәрдә.