Яшь әни, җырчы Айсылу Габдинованың «Бишек җыры» музыкаль мәйданчыкларга чыкты. Ул аны улы Арсланга багышлаган.
Яңа җыр тыңлаучыларның күңеленә үтеп кергән. Алар калдырган комментарийлар шул хакта:
«Җырның мәгънәсен ачып, күңелгә үтеп керерлек итеп башкаргансың. Афәрин, Айсылу»;
«Җыр да, Айсылу белән Арслан да бик матур чыккан. Рәхәтләнеп тыңладым»;
«Тын дәрьядай тирән, моңлы, нурлы тавыш. Шулкадәр камил!»;
«Айсылу синең тавышың да, җырың да супер. Уңышлар сиңа».
