«Шулай гармун белән авыру янына керсәгез!» – «ашыгыч ярдәм» бригадасы шаккатырган

28 апрель «Ашыгыч ярдәм» хезмәткәрләре көне. Шул уңайдан «Наш Башкортстан» сәхифәсенә бик матур видео урнаштырганнар. Анда «ашыгыч ярдәм» бригадасы машинада «вызов»ка китеп бара. Шул арада бер табиб гармунда уйный, икенчесе матур итеп җырлый, берничәсе арткы фонда биеп басып тора.

«Ашыгыч ярдәм»дә – Бремен музыкантлары! Чынлыкта, бу – Уфаның ашыгыч ярдәм күрсәтү бүлеге табиблары, пациентны коткарырга ашыгалар. Бөрьян районыннан Ислам Бикишев җырлый», – дип язганнар видео янында.

Сәхифәне карап баручылар баянчы кызның бик чибәр, баянының матур булуын билгеләп үткәннәр. «Минем дә сезнең белән эшлисем килә», «Бигрәк күңелле», – дип тә язалар.

«Шулай гармун белән авырган кеше янына керсәгез, авыруын онытып, җырлап бии башлар», – дигән комментарий да калдырганнар.