Суга бата башлаган ике кызны коткарганда, унбиш яшьлек малай һәлак булган
Кызлар чоңгылга эләгә һәм икесе дә бата башлый.
Омск өлкәсендә Иртыш елгасында фаҗига була. 17 яшьлек ике кыз суга бата башлый. Аларны 15 яшьлек үсмер малай коткармакчы була. Шул чакта малай үзе һәлак була. Бу турыда Россия Тикшерү комитетының Омск өлкәсе буенча Тикшерү идарәсенең матбугат хезмәте хәбәр итте.
Фаҗига 14 июльдә кичке алтылар тирәсендә Черлак бистәсендә була. «Су коенганда 17 яшьлек ике кыз чоңгылга эләгә, алар бата башлый. Кызларга ярдәм итәр өчен 15 яшьлек малай ташлана. Малай кызларны судан төртеп чыгара, ләкин ул үзе судан чыга алмый, малай бата», — дип сөйләгәннәр Россия Тикшерү комитетының Омск өлкәсе буенча Тикшерү идарәсендә.
«Саксызлык аркасында үлемгә китерү» маддәсе буенча җинаять эше ачылган.
Тикшерү идарәсендә хәбәр иткәнчә, тикшерү барышында администрация һәм профилактика хезмәтләренең эшчәнлегенә хокукый бәя биреләчәк.