Приморьеда 17 яшьлек үсмер бассейнда тренировкадан соң комага киткән һәм үлгән. Ул Находка шәһәрендәге спорт мәктәбендә шөгыльләнгән. Бу турыда РЕН ТВ хәбәр итте.
Фаҗига 16 февральдә кич белән була. Үсмер тренажерлар залына 17.15 сәгатьтә килә, аннары бассейнда тренировка башлый. 19.30 сәгатьтә егет судан чыга һәм, аңын югалтып, идәнгә ава. Ярты сәгать чамасы вакыт дәвамында аны аңына китерергә маташалар.
Тренер «ашыгыч ярдәм» чакыра, шәфкать туташы килә, йөрәккә туры булмаган массаж ясый. Урынга килгән табиблар егетне реанимациягә алып китә, ләкин аны коткара алмыйлар. 22.15 сәгатьтә үсмернең үлеме турында билгеле була.
Спорт мәктәбендә искәрткәнчә, үсмер егет дәрес вакытында беркем белән дә талашмаган.
Соңрак билгеле булганча, ул салкын тиеп авырып яткан һәм больничный бетүгә үк тренировкага киткән.
Әнисе сүзләренчә, үсмер даими рәвештә медосмотр уза, бассейнда шөгыльләнүгә каршы күрсәтмәләр булмый. Егет артыгын шөгыльләнеп җибәргән, һәм организмы чыдамагандыр, дип фаразлыйлар, диелә хәбәрдә.