Су кушылган бензинны ничек танырга?
Елның салкын фасылында машина йөртүчеләр өчен юлдагы бөкеләр, кышкы резиналар гына түгел, ягулык сыйфаты да борчу китерергә мөмкин.
Бензин бары тик 75 градус салкын булганда гына ката – кристаллга әверелә.
Составына су кушылган бензин бакта конденсат хасил итә. Конденсат исә бак кырыйларына, ягулык насосы тоташкан урынга туплана. Двигательгә әләгеп, ул машинаның эшчәнлегенә зыян китерә. Көпшәләр, форсункалар эчендә боздан бөкеләр барлыкка килергә мөмкин. Аларны эретү өчен көн җылынганны көтәсе, йә насосны өйгә алып кереп, фен белән җылытасы була.
Шуңа күрә, иң дөрес вариант - су кушылган бензин салмаска!
“АиФ” газетасы язганча, моның бик гади ысулы бар. Бензин салу алдыннан, заправкадагы пистолет башыннан берничә тамчы сыеклыкны ак кәгазьгә тамызып карагыз. Әгәр бензин тиз генә җиргә шуып төшсә, димәк, ул чиста. Әгәр кәгазьдә тап хасил булып катса, бу бензинны салу-салмау турында уйларга кирәк булыр. Әлеге урында бензин салмыйча китү хәерлерәк.