Студент егет зачет вакытында укытучыны кыйнап ташлаган

Санкт-Петербург дәүләт университеты укытучысын зачет вакытында бер студент кыйнаган. Бу турыда вузның матбугат хезмәте хәбәр итте.

Чит илдән килеп математика өйрәнүче студент егет зачетын тапшыра алмый. Ул укытучыга үзенең белеме булуын исбатларга маташа, тик булдыра алмый. Шуннан соң егет сугышырга тотына.

Хулиган студентны аудиториядә тоткарлыйлар. Имгәнгән укытучы хатын полициягә гариза яза. Якын арада студентка җәза турында билгеле булачак, диелә хәбәрдә.