«Стриптиз карадык, Нурзадәнең кияүгә чыгачагы билгеле»: Лилия Хәмитованы кияүгә озаттылар

Татарстанның атказанган артисты Нурзадә кияүгә чыга. Бу хакта «Болгар радиосы» алып баручысы Дилбәр Фәиз социаль челтәрдә яза.

«Лилия Хәмитова оештырган девичник күңелле булды. Стриптиз карадык, Нурзадәнең кияүгә чыгачагы билгеле булды. Дускаем Лилия бәхетле, ә Винарис турында әйтеп тә торасы юк. Бик матур оештырылган кызлар җыенына чакыруыгыз өчен рәхмәт. 13 августта туйда кабат очрашырга сүз куешып бүгенгә саубуллаштык», – дип язган ул.

Татарстанның атказанган артисты Алсу Фаракшина Лилия Хәмитованың Нурзадәгә кәләш букетын тапшырганын видеога төшереп алган:

«Чиратта син – анда язылган», – ди Лилия Хәмитова.

Кызлар: «Амин, амин», – дип кабатлыйлар. Лилия Хәмитова букетны тапшыра һәм Нурзадәне кочаклый.

Кызлар, шаярып: «Икенче букетың да юкмы? Елый берәү», – диләр Нурзадә турында. Бу вакытта Нурзадәнең күңеле тула, ул яшьләнгән күзләрен сөртеп ала.