СССРның халык артисты Владимир Андреев вафат
Ул халыкка «Салтан патша әкияте», «Ультиматум», «Ямайка», «Ночной патруль» кинолары аша таныш.
СССРның халык артисты Владимир Андреев 90 яшендә вафат булды. Бу турыда РИА Новости хәбәр итте.
Актер Владимир Андреев йөрәктәге ишемия авыруыннан интегә һәм аңа микроинсульт булган, диелә бу хәбәрдә.
ГИТИС ректоры Григорий Заславский Бишенче каналга хәбәр иткәнчә, актер күптән үзен начар хис итә башлаган. «Ул, чын ир-ат буларак, хәлсезләнүенә борчылды. Аның китүе — авыруы аркасында депрессия нәтиҗәсе», — дигән Заславский.
Владимир Андреев «Салтан патша әкияте», «Ультиматум», «Ямайка», «Ночной патруль» һәм башка дистәләгән фильмда уйнады. Андреев Ермолова театрында хезмәт итә, 1990 елдан ул анда сәнгать җитәкчесе булып эшли, шулай ук ГИТИСта укыта.
