Эмиль Гарипов дусты белән низаг турында: «Беркайчан да кешегә кәшәкә белән кизәнмим» | intertat.tatar

Эмиль Гарипов дусты белән низаг турында: «Беркайчан да кешегә кәшәкә белән кизәнмим»

«Ак Барс» клубының элеккеге капкачысы Эмиль Гарипов һәм хоккейчы Иржи Секач арасында низаг чыккан дигән хәбәр таралды.

Казанның «Ак Барс» клубының элеккеге капкачысы, хәзер «Авангард» клубында уйнаучы Эмиль Гарипов клубташы Иржи Секач белән талашкан дигән хәбәрләргә ачыклык кертте. Бу турыда «Чемпионат» сайты хәбәр итте.

Имеш, шушы низаг аркасында Эмиль Гарипов КХЛ матчларында катнашудан читләштерелгән.

«Динамо» белән матчта овертайм вакытында гол керткәч, мин борт янында хискә бирелдем инде. Ләкин, әлбәттә, беркемгә дә селтәнмәдем. Бозда да, чишенү бүлмәсендә дә. Беркайчан да кешегә кәшәкә белән кизәнә алмас иде. Тәрбиям дә, намусым да моны эшләргә бирмәс иде. Иржи Секачка кизәнмәдем, без аның белән дус. Секач — якын дустым, аны бик хөрмәт итәм. Кабатлап әйтәм, мин беркайчан да кешегә кәшәкә белән кизәнмим. Бу уйдырмалар шундый «хәбәрләр» уйлап табучыларның намусында калсын», — дигән Гарипов.

«Спорт экспресс» сайты Иржи Секач белән низаг аркасында, «Авангард» Гариповны алмаштырырга тели, дип язган иде.