Алинә Заһитова курткасын сала алмаган мизгелле видеоны 22 миллион тапкыр караганнар

Tik-Tok каналларында таралган кадрларда Олимпия чемпионы өс киемен салып атарга маташкан вакыт сурәтләнгән.

Тимераякта фигуралы шуу буенча Олимпия чемпионы Алинә Заһитова чыгышы сурәтләнгән кадрларны Tik-Tok челтәрендә 22 миллион тапкыр караганнар.

Спортчы курткасын салып ташлый алмый, ул берничә секунд маташа. «Килеп чыкмады бу», — дип атаганнар әлеге видеоны.

Видеоны Заһитованың фанатлары сәхифәсенә teamzagitovaa куйганнар. Ул биредә Лара Крофт образында чыгыш ясый.