Алинә Заһитова Мәскәүдәге гран-прида чыгышында егылды
Алинә былтыр декабрьдә карьерасын туктатуын әйткән иде.
2018 елгы Пхенчхан олимпиадасы җиңүчесе Алинә Заһитова Мәскәү гран-прие вакытында чыгышында егылды. Бәйгене Беренче канал күрсәтте.
Алинә M83 француз төркеменең Outro дип аталган җырына «Жизнь» программасын күрсәтте. Бу тамаша аның хореографы — мәрхүмә Людмила Шалашовага багышланган. Алинә бер тапкыр аягында басып кала алмады. Өчле лутцтан соң ул бозга егылды.
«Эсмеральда» дип аталган икенче чыгышында ул өчле лутцлар, флип күрсәтеп, чиста шуды.
