«Нефтехимик» хоккейчысы Бикмуллинга сугышкан өчен 150 мең сум штраф сукканнар

«Кайнар Татарстан егете», — ди уенның комментаторы.

Узган якшәмбе көнне Санкт-Петербургтагы уенда Рафаэль Бикмуллин СКА командасының һөҗүмчесе Владимир Ткачев белән сугышты.

Ткачевка көндәшен кәшәкә белән эткәне өчен ике минут штраф бирелсә, Бикмуллин әлеге матчтан гомумән читләштерелде.

Соңыннан КХЛның рәсми сайтында: «Тәкъдим ителгән материаллар нигезендә, „Нефтехимик“ һөҗүмчесе Рафаэль Бикмуллинга салынган штрафны үзгәрешсез калдыру һәм сугышның агрессоры буларак акчалата штраф салу карары кабул ителде», — дигән хәбәр чыкты.

Уен СКА командасының 5:2 исәбе белән тәмамланды.