Вил Усманов нәни малайлар белән бил алышкан - видео

Вил Усманов нәни малайлар белән бил алышкан - видео
Татарстанның халык артисты, җырчы һәм көрәшче Вил Усманов нәни малайларга көрәш буенча мастер-класс күрсәткән. Ул балалар шөгыльләнә торган спортзалда төшерелгән видеоны инстаграмдагы сәхифәсендә күрсәтте.

Вил Усманов булачак батырларга кулларны дөрес куярга, ничек алып салырга икәнен күрсәтә.

"Сәлам, дуслар. Кичә Баулыда булачак чемпионнарга көрәш серләрен өйрәттем. Балалар белән эшләгән чаклар искә төште. Күңелдә рәхәт", - дип яза ул.

Вил Усманов белән шөгыльләнгән инстачылар да булып чыккан, "Рәхмәт, Вил Нургалиевич", дип яза алар.

  • Вил Усманов - җырчы, композитор, көрәш буенча спорт мастеры, күп тапкырлар Сабан туе батыры. Матбугатта чыккан бер интервью вакытында ул үзенең унбишләп тапкыр Сабан туе батыры булуын әйткән.